Atualità
Curs de perfezionamënt por la conduziun de uniuns
Le conduziun de proieć, mesi de comunicaziuns moderns y la cronica de n’uniun: Por düć chi che é a će de n’uniun y che foss interessà da la condüje te na manira ćiamò plü profescionala ti vëgnel pité n curs de perfezionamënt, organisé dal Ofize Chestiuns de cabinet y dal’organisaziun dles Universitês popolares dl Südtirol. Le curs mët man ai 26 de setëmber, le lingaz d’insegnamënt é le todësch.
Le curs de perfezionamënt, che vëgn tignì tl lingaz todësch, é ponsè dandaldöt por colaboradus volontars dles uniuns, che à bele stlüt jö le curs por deventè aministradù zertifiché dles uniuns. Le curs nü se basëia sön les conescënzes dla zertificaziun y prevëiga de plü moduls sön l’organisaziun dla condüta de n’uniun (ai 26 y 27 de setëmber), l’adoranza di mesi nüs de comunicaziun (ai 17 y 18 de otober), les croniches de n’uniun (14 de novëmber) y la conduziun de proieć (ai 5 y 6 de dezëmber).
I orars de leziun sarà vigni vëndres (26/09, 17/10, 14/11, 05/12) dales 14 ales 18, y vigni sabeda (27/09, 18/10, 06/12) dales 8.30 ales 17.30. Düć chi che tol pert a almanco trëi chërć dla dorada dl curs ciafa ala fin n diplom. I moduls gnarà portà dant da esperć dl setur, che, por merit de n’ativité lungia de consulënza, à na gran conescënza dla situaziun dles uniuns tl Südtirol. La partezipaziun al curs costa indöt 150 euro, an po inće ma frecuentè moduls singui por 50 euro.
I cursc gnarà tignis tla sënta dl’organisaziun dles Universitês popolares dl Südtirol tla Ćiasa Walther (Waltherhaus), strada Schlern 1 a Balsan. Les iscriziuns vëgn tutes sö diretamënter dailò sciöche inće tres telefon (0471 061444) y tres email info@volkshochschule.it
rc
