Atualità

Desvalì | 30.07.2014 | 14:46

Bosć y demane: Schuler rengrazia le vedl CdA

Dala sentada, che é stada dan da püch, dl organism à l'assessur provinzial Arnold Schuler rengrazié i componënć dl vedl Consëi d’aministraziun dl'Aziënda provinziala bosć y demane, menada agn alalungia da Luis Durnwalder, che se crüziâ di raiuns da munt y di bosć dla Provinzia.

Le dilan por l'impëgn de trënt’agn tl'Aziënda provinziala bosć y demane ti à l’assessur Arnold Schuler y le presidënt nü dl CdA, Klaus Unterweger, dit àl vedl presidënt dla Provinzia Luis Durnwalder, a Christoph Sternbach de Uttenheim y a August Ties d’Al Plan de Mareo. La fest é gnüda fata en ocajiun dala sentada dl organn colegial nü, che é metü adöm dlüngia le presidënt Unterweger, dal vizepresidënt Mario Broll y da Marion Markart; dl collegium di revisurs di cunć fêjel pert Ferdinand Rainer (presidënt), Gabriele Vitella y Walburga Christina Kemenater Bolego.

L'Aziënda provinziala bosć y demane é n'aziënda speziala dla Provinzia de Balsan. Ara aministrëia y se crüzia de raiuns de munt y di bosć dla Provinzia, indöt zirca 75mila hectars, chël ô dì le 10% dla suraspersa dl teritore, en gran pert dlacià y crëps. I hectars de bosch é feter 5mile. La gestiun vëgn fata tres les cater staziuns forestales Latemar a Welschnofen, Funes, Aicha y Moos.

rc

Galaria dales fotografies

Aziënda provinziala bosc y demane: le vedl CdA y chël nü cun l'assessur Arnold Schuler (3.d.m.d.) dan la scora forestala dl Latemar.

Tratan i rengraziamënc (d.m.c.): Le Presidënt dl CdA da denant Luis Durnwalder, le presidënt atual Unterweger y l'assessur Arnold Schuler.
Foto: LPA/Maja Clara

Consultaziuns danter esperc (d.m.d.): Paul Profanter, diretur dla Repartiziun Bosc, August Ties d'Al Plan y Christoph Sternbach, mëmbri dl CdA dl'Aziënda provinziala bosć dal 1981 al 2013.
Foto: LPA/Maja Clara