Atualità
Indunada de tlausöra dla Junta: Le bilanz de previjiun söl ordinn dl dé
La Junta provinziala s’incunta por n’indunada de tlausöra en jöbia damisdé, ai 11 de setëmber. Tratan la sentada gnaràl presentè da vigni assessur les prioritês de „so“ assessorat, sciöche inće les prömes propostes por ći che reverda le bilanz de previjiun por le 2015. Les dezijiuns plü importantes gnarà presentades dales 13 te na conferënza stampa.
„Tratan l’incuntada de tlausöra en jöbia ai 11 de setëmber presentarà vigni assessur sües prioritês por i proscimi trëi mëisc. Implü gnaràl inće tratè por le pröm iade le bilanz de previjiun por le 2015. L’aprovaziun dl bilanz é preodüda por la fin de novëmber, por ti dè insciö la poscibilité ai Comuns da laurè cun plü serenité y segurëza sön sü bilanc daldô“, à dit incö (9 de setëmber) le Presidënt dla Provinzia Arno Kompatscher. I resultać dl’indunada gnarà presentà te na conferënza stampa
en jöbia, ai 11 de setëmber,
dales 13
tla curt interna dl Palaz Widmann,
plaza Silvius Magnago 1,
Balsan.
rc
