Atualità
Centená dla Pröma Vera Mondiala: Domandes y respostes söl portal dl’Euregio
www.14-18.europaregion.info: Chësta é la misciun dl portal dediché al centená dla Pröma Vera Mondiala dal’Euregio Tirol-Südtirol-Trentin. Sot ala seziun „Let’s talk“ él poscibl da ciafé vigni mëis temesc nüs cun plü domandes y respostes. Tl mëis de aurí nen vara dl rode dles ëres tratan la perioda de vera dal 1914 al 1918.
"Descurí y capí: Savos bele, che…?" Sot a chësc moto vëgnel presenté sön le web portal dl’Euregio, www.14-18.europaregion.info/, tematiches nöies che reverda aspec desvalies dla Pröma Vera Mondiala. La seria de temesc dess motivé i interessá da se dé jö cun les tematiches dla Pröma Vera Mondiala. Insciö vëgnel presenté vigni mëis trëi domandes desfarëntes, a chëres che esperc de storia ti dá na resposta cun coliamënc ince a scomenciadies atuales. Tl mëis de aurí é le tema zentral le rode dles ëres tratan la perioda dal 1914 al 1918.
Un di temesc é le mudamënt dl rode dl’ëra tratan la perioda de vera. Deache le 90 porcënt di ëi gnô adorá sön le frunt, ê les ëres obliades da surantó i laurs di ëi te plü seturs dla vita. Chësc mudamënt á porté les ëres - tan crödies che les ativites messâ ince ester - a na maiú independënza y emanzipaziun. N’atra inrescida che an pó ciafé sön le portal reverda la sessualité y l’aumënt de maraties sessuales. Le rode dl’ëra tratan la Pröma Vera Mondiala vëgn ince tematisé tratan la mostra dl Museum dles Ëres a Maran che sará sa odëi ciamó cina de jügn (plü informaziuns sön: www.museia.it/deutsch/aktuell-veranstaltungen/).
Plü informaziuns:
www.14-18.europaregion.info/
USP
