Atualità
Letöra de Joseph Zoderer ai 5 de má tla Teßmann
Joseph Zoderer sará en mertesc, ai 5 de má tla Biblioteca provinziala dla Teßmann a Balsan: te chësta ocajiun liará l’autur fora dla pröma pert de süa opera leterara nöia. L’entrada por la serada de presentaziun é debann.
Dauerhaftes Morgenrot" cunta che l’amur é ma poscibl sce an ne lascia nia da dejidré: l’incherscimun dla magia dl scomenciamënt, l’incherscimun dla porsona amada y l’incherscimun dl gnì amà. Joseph Zoderer descrî la confujiun dl amè, vire y dejidré a na moda desvalia, poetica, penetranta y da na gran prezijiun linguistica.
L’autur Joseph Zoderer presentëia en dedolönesc, ai 5 de má dales 20 da sëra inant inant tla Teßmann da Balsan na pert de so roman nü “Dauerhaftes Morgenrot” Dla publicaziun baia Georg Hasibeder dla ćiasa edituria Haymon; dla moderaziun se fistidiëia Ferruccio Delle Cave, espert de leteratöra y vizepresidënt dla Lia di artisć dl Südtirol.
La Biblioteca Provinziala Dr. Friedrich Teßmann á süa sënta tla strada Armando Diaz 8 a Balsan, Telefon 0471 471814, E-Mail info@tessmann.it; http://www.tessmann.it/
rc
