Atualità
Comisciun de apajamënt por chestiuns de responsabilité di doturs (01/06)
Al pröm de jügn dales 10.30 gnarál tigní tl Auditorium dl Palaz provinzial 12 a Balsan na conferënza stampa cun l’assessuria Martha Stocker por presenté la Relaziun 2014 dla Comisciun de apajamënt por chestiuns che reverda la responsabilité di doturs.
La Provinzia de Balsan é stada la pröma istituziun publica teritoriala dla Talia che â istituí cun la lege provinziala dl 18 de novëmber dl 2005, nr. 10, na Comisciun de apajamënt por chestiuns de responsabilité di doturs. La Comisciun é ativa dal isté dl 2007 y laora sciöche ënt de apajamënt danter i paziënc y i doturs. Ti ultims 8 agn él gnü ejaminé indöt 241 domandes de apajamënt.
I detais dl’ativité fata dala Comisciun de apajamënt por chestiuns de responsabilité di doturs tl 2014 gnará presentades te na conferënza stampa che sará
en lönesc al 1 de jügn
dales 10.30
tl Auditorium dl Palaz provinzial 12
tla strada Gamper 1
a Balsan.
Al sará presënc ala conferënza stampa l’assessuria Martha Stocker, le presidënt dla Comisciun Edoardo Armando Mori y le secreter Christian Leuprecht. Düc i rapresentanc di media é inviá a tó pert ala presentaziun.
rc
