Atualità
Kompatscher incunta l’ambasciadú dl’Austria Pollitzer
La situaziun politica atuala tl Südtirol, tla Talia y tl’Austria, sciöche ince la colaboraziun cun les provinzies vijines tres le stromënt istituzional dl’Euregio é stá i temesc prinzipai dl’incuntada de inier da sëra (18 de jügn) a Roma danter le presidënt Arno Kompatscher y l’ambasciadú austriach René Pollitzer.
Da plü de dui mëisc é René Pollitzer l’ambasciadú austriach tla Talia y inier da sëra ai 18 de jügn s’ál incunté tla sënta de rapresentanza istituzionala dl’Austria tla strada Pergolesi a Roma cun le presidënt dla Provinzia de Balsan Arno Kompatscher. Tratan l’incuntada á le presidënt Kompatscher ajorné Pollitzer sön le svilup dles tratatives atuales danter Roma y Balsan, rajonan ince daldô de chestiuns d’atualité, sciöche la situaziun di migranc olache trames döes les perts se damana na soluziun a livel europeich.
„Le lian danter le Südtirol y l’Austria – á sotligné Kompatscher – pó gní renforzé tres deplü por merit dles colaboraziuns nöies tl contest dl Euregio. Öna dles aziuns concretes é por ejëmpl l’edema organisada dal’Euregio al EXPO 2015 da Milan, cun le Stand dl Südtirol che fajará da paladina por n’edema dedicada completamënter ala cooperaziun danter Trënt, Balsan y Desproch.“
rc
