Atualità
Üties da munt, spostada ai 08/07 la firma sön la convenziun cun CAI y AVS
La firma dla convenziun danter la Provinzia, le CAI y l’AVS sön les prozedöres che reverda les bandides por la gestiun dles 25 üties da munt, preodüda por indoman ai 2 de lugio, é gnüda spostada a en mercui ai 8 de lugio dales 11.00 tl palaz provinzial 1 a Balsan.
Tla sentada da inier dla Junta provinziala ti él gnü surandé l’inciaria al presidënt dla Provinzia Arno Kompatscher da firmé la convenziun danter la Provinzia, le CAI y l’AVS y che reverda la colaboraziun scomenciada cun l’Alpenverein Südtirol y le Club Alpino Italiano por l’elaboraziun dles bandides por la gestiun de 25 üties damunt che é passades tl 2011 dal Stat ala Provinzia. Por gaujia di termins dl presidënt dla Provinzia a Roma gnará la firma sön la convenziun spostada a
en mercui ai 8 de lugio dl 2015
dales 11.00
tl salf stampa dl Palaz Widmann
plaza Silvius Magnago 1
a Balsan.
rc
