Atualità
Forum Alpach, ai 23 d’agost le De dl Tirol
„Euregio Tirol-Südtirol-Trentin, na ciasa coletiva nöia: integraziun impede estlujiun“. Chësc é le slogan dl De dl Tirol che gnará organisé a Alpach (Tirol) ai 23 d’agost tl contest dl Forum europeich.
Le De dl Tirol vëgn organisé vigni ann le pröm findledema dl Forum europeich a Alpach tl Tirol. Al se trata de na manifestaziun por düc i interessá da döt le raiun dl’Euregio Tirol-Südtirol-Trentin por se confronté sön tematiches che reverda les trëi provinzies. Le De dl Tirol vëgn organisé dal Forum europeich Alpach en cooperaziun cun l’Ofize dl GECT dl’Euregio „Tirol-Südtirol-Trentin“. Chësc ann gnará la manifestaziun tignida ai 23 d’agost sot al slogan „Euregio Tirol-Südtirol-Trentin, na ciasa nöia coletiva: integraziun impede estlujiun“. „Chësc titul é n referimënt tler ala tematica atuala dër debatüda dla migraziun di profugs“, á sotligné le presidënt dla Provinzia Arno Kompatscher. „I sun sigü che lauran adöm y porvan da ciafé soluziuns coletives danter les trëi provinzies sarál poscibl da arjunje de bugn resultac ince te chësta chestiun dër delicada“, insciö Kompatscher.
rc
