Atualità
De dl’Autonomia: ai 31 d’agost la presentaziun, plata internet online
Por l’ocajiun dl De dl’Autonomia, che sará ai 5 de setëmber, dauriará l’Aministraziun provinziala, la Junta y le Consëi provinzial sües portes ai zitadins. Le program dl De dl’Autonomia (y dla porta daverta) 2015 gnará presenté cun na conferënza stampa ai 31 d’agost. La plata internet cun dötes les informaziuns atuales é da ciafé sot a: http://www.provinzia.bz.it/de-autonomia/
Le de ai 5 de setëmber é na data fondamentala dla storia moderna dl Südtirol. En chësc de dan da 69 agn tl ann 1946 él gnü sotescrit le Tratat de Paris che é le pilaster fondamental dl’autonomia. En recordanza de chësc avenimënt vëgnel metü da jí vigni ann ai 5 de setëmber le De dl’Autonomia, en chësc ann por le secund iade cun n de dla porta daverta tles sëntes prinziapales dl'aministraziun publica, dla Junta y dl Consëi provinzial.
La tematica zentrala dl’ediziun dl 2015 sará la familia, le post de racoiüda prinzipal dl de sará la plaza Silvius Magnago, olache al gnará ince premié i maturanc plü lezitënc dl Südtirol. Implü gnarál ince metü da jí por l’ocajiun n convëgn a Ciastel Tirol. Le program y i posć dl De dla Porta daverta gnará presentá tl detai dal presidënt dla Provinzia Arno Kompatscher, dal’assessuria Waltraud Deeg y dal presidënt dl Consëi Thomas Widmann te na conferënza por i media
en lönesc ai 31 d’agost
dales 11.00
tl salf stampa dl Palaz provinzial 1
plaza Silvius Magnago 1
a Balsan.
Por düc i interessá él bele sëgn poscibl da ti dé n’odlada ala verjiun nöia dla plata internet deidcada aposta al De dl’Autonomia sot ala misciun
http://www.provinzia.bz.it/de-autonomia/ che contëgn plü informaziuns generales y storiches sön la manifestaziun y sön le funzionamënt dl’aministraziun provinziala. Ti proscims dis gnarál inserí les informaziuns avisa sön le program y i evënc dl de.
rc
