Atualità
Prener: Coinzidënza por Desproch indô reativada
Do n’intervenziun da pert dl assessur Florian Mussner á l’ÖBB mudé l'orar de partënza dles ferates de coinzidënza sön le Prener. Ti ultimi dis ê, por gaujia de laurs, la coinzidënza söl Prener por i viajadus da Balsan tl vers de Desproch tomada fora.
Por gaujia de laurs sön la trata danter Rosenheim y Kufstein gnarál antizipé de ma dui menüc les partënzes de n valgönes ferates dl ÖBB sön le Prener en direziun de Desproch. Chësta mudaziun d’orar reverda la ferata 5303 (partënza söl Prener dales 7.26 impede che dales 7.28), la ferata 5305 (partënza dales 9.26 impede che dales 9.28), la ferata 5307 (dales 11.26 impede che dales 11.28), la ferata 5399 (dales 13.26 impede che dales 13.28), la ferata 5311 (dales 15.26 impede che dales 15.28) y la ferata 5335 (dales 19.26 impede che dales 19.28). I passajiers che vëgn da Balsan á insciö la poscibilité da tó la coinzidënza por Desproch.Por les ferates che pëia ia da Balsan dales 7.01, 9.01, 11.01 (chësc iade ma la sabeda, la domënia y i dis de festa), y dales 13.01, 15.01, 16.01, 17.01 y 20.02 sarál poscibl da tó la coinzidënza pro Desproch zënza variaziuns. Implü gnarál ince garantí le coliamënt diret da Balsan dales 07.32 y dales 20.32.
rc
