Atualità
Autonomia y resistënza, convëgn ai 5 de setëmber a Ciastel Tirol
La resistënza al nazifascism á albü tl Südtirol formes desvalies che gnará analisades da trëi di esperc de storia locala plü conesciüs tratan n convëgn ai 5 de setëmber a Ciastel Tirol en presënza dl presidënt dla Provinzia Arno Kompatscher. Ara nen jará ince dl rode dla resistënza sön le svilup dl’autonomia südtiroleja.
En ocajiun dl De dl’Autonomia gnarál chësc ann ince metü da jí por le pröm iade n convëgn a Ciastel Tirol cun le focus sön le rode dla resistënza cuntra le nazifascim te Südtirol y sön le svilup che la resistënza á albü por l’autonomia. I esperc de storia Carlo Romeo, Elfriede Perathoner y Stefan Lechner analisará insciö la tematica storica portan dant les situaziuns desfarëntes dla popolaziun de lingaz ladin, todësch y talian. Ince le presidënt dla Provinzia Arno Kompatscher portará dant n’analisa politica dla perioda storica dla resistënza y de sües conseguënzes por l'autonomia. Le convëgn gnará tigní
en sabeda ai 5 de setëmber dl 2015
dales 09.00 inant
a Ciastel Tirol.
Implü vëgnel ince metü da jí da pert dl’Aministraziun provinziala, en ocajiun dl aniversar dla firma sön l’acordanza de Paris, le De dles portes davertes cun plü scomenciadies por families y porsones interessades. Por plü informaziuns prëibel vijité la plata internet: http://www.provinzia.bz.it/de-autonomia/
rc
