Atualità
Stlüta dla strada SS12: Autostrada da Tlüses cina Balsan Nord debann
Por gaujia dl prigo dla tomada de peres é la strada statala dl Prener (SS12) sarada do la galaria de Bluman cina plüssigü en mercui ai 23/09 por döt le trafich te trames döes les direziuns. Le trafich gnará desvié sön l’A22 y sön la strada provinziala Steinegg-Gummer. Sön l’A22 ne él da paié degun daz da incö dales cater domisdé inant por autisć che adora l’autostrada danter Tlüses y Balsan Nord.
Por gaujia dl prigo de tomada de peres é la strada statala dl Prener plüssigü sarada cina en mercui ai 23 de setëmber por döt le trafich te trames döes les direziuns. Al é debojëgn da efetué de piceres esplojiuns por porté demez peres che podess tomé sön strada. Le trafich vëgn dötaurela desvié sön l’autostrada A22 y sön la strada provinziala por Steinegg-Gummer. Tratan la dorada dla stlüta ne paia i autisć che vá ite sön l’autostrada a Tlüses y che vëgn fora a Balsan Nord degun daz. Chësta ezeziun ará valüta plüssigü da incö, vëndres ai 18 de setëmber, dales 16:00 inant. I cosć por chisc iadi vëgn surantuc dala Provinzia.
rc
