Atualità
Pest Arge Alp 2016: 25mile euro, tomada dl termo ai 31 de jená
Le fin dl Pest Arge Alp 2016 é chël da sostigní cooperaziuns inovatives tl setur dl’ocupaziun. La bandida é ponsada por aziëndes, assoziaziuns, istituziuns privates y publiches. La dotaziun dl pest é de 25.000 euro. An pó presenté domanda cina ai 31 de jená dl 2016.
Por avëi a desposiziun ince personal spezialisé tles localités alpines él nezesciar da motivé i jogn da lauré tles Regiuns alpines cun programs aposta. L’obietif dl’ediziun dl 2016 dl pest Arge Alp é chël da identifiché y premié i proiec y les cooperaziuns tl setur dles ocupaziuns che favorësc la competitivité y insciö ince la cualité de vita dles regiuns Arge Alp. I proiec pó insciö avëi sciöche fin chël da sensibilisé i studënc ala colaboraziun scora-economia, da ciafé formes de sostëgn danter familia y laur y i.i. L’important é che la fondamënta dl proiet é la cooperaziun.
Al concurs pó se candidé düc i ënc locai (por ejëmpl i Comuns) o regionai, les assoziaziuns, aziëndes o d’atres organisaziuns che laora tres cooperaziuns. Les cooperaziuns da premié mëss gní proponüdes da operadus desvalies (Comuns, assoziaziuns turistiches, impreses locales, y i.i.). Le termo por dé jö süa candidatöra scad ai 31 de jená dl 2016. La dotaziun é de 25.000 euro. I proiec südtirolej pó gní presentá al Ofize stampa dla Provinzia, Balsan, Palaz provinzial 1, plaza Silvius Magnago 1, tel. 0471 412210-11, mail usp@provincia.bz.it. Dötes les informaziuns é desponibles ala misciun www.argealp.org.
Les Regiuns che fej pert dla Comunité de Laur dles Regiuns Alpines (ARGE ALP) é la Lombardia, le Trentin, le Südtirol, le Paiern, i Länder de Salzburg, Tirol, Vorarlberg y i Ciantuns di Grijuns, le Tessin y St. Gallen.
rc
