Atualità
Ordinamënt finanziar y de contabilité di Comuns ince por Ladin
N’alisiraziun por i Comuns dla Val Badia: da indoman (26/07) sará la lege provinziala söl ordinamënt finanziar y dla contabilité ince desponibla por Ladin.
Na noela d’ütl por i Comuns dla Val Badia podess ester la publicaziun dl ordinamënt dla contabilité y dles finanzes di Comuns y dles Comunités comprensoriales indoman por l’idiom Ladin dla Val Badia. La lege provinziala nr. 17 é gnüda aprovada ai 22 de dezëmber dl 2015 dal Consëi provinzial sön proposta dla Junta provinziala y podará sëgn ince gní consultada dai Comuns por Ladin.
Implü gnarál indoman ai 26 de lugio dl 2016 publiché ince tl boletin ofizial dla Regiun le bilanz de suplemënt dla Provinzia 2016 adöm cun la lege finanziara y le decunt finanziar. Sciöche lege provinziala vëgn le decunt finanziar general por l’ann de bilanz 2015 publiché do l’aprovaziun da pert dl Consëi provinzial y sön proposta dl presidënt dla Provinzia indoman, ai 26 de lugio, tl boletin ofizial dla Regiun. Cun le bilanz supletif dla Provinzia gnarál metü a desposiziun indöt 82 miliuns de euro che gnará adorá por le frabiché abitatif, l’argicoltöra da munt, le Bausparen, le bonus fiscal por i ressanamënc tl fabriché y mosöres d’intlujiun por porsones cun handicaps. Les publicaziuns ará forza de lege le dé do la publicaziun, chël ó dí te chësc caje en mercui ai 27 de lugio.
rc
