Atualità
Senteda Jonta provinziela nueva ai 02.02, dala 12.00 cunferënza stampa
La Jonta provinziela nueva se anconta duman vënderdi ai 2 de fauré per si prima senteda costitutiva. La cunferënza stampa da dedò ie dala 12.00.
La Jonta provinziela de Bulsan liteda da nuef se anconta duman vënderdi ai 2 de fauré, per si prima senteda. Dlongia cuestions de urganisazion uniràl nce tëut tres y deliberà deliberes a livel aministratif.
Ala fin dla senteda de Jonta rujenerà l presidënt dla Provinzia Arno Kompatscher y, for aldò dl ordenn dl di, d’autri cumëmbri de Jonta dla tematiches y dezijons plu mpurtantes.
La cunferënza stampa do la senteda de Jonta sarà per gaujes de terminns bele mes’ëura dant che zënza, avisa
n vënderdi ai 2 de fauré dl 2024
dala 12.00
tl Palaz dla Provinzia 1, self stampa,
a Bulsan, Plaza Silvius-Magnago 1.
La cunferënza stampa unirà oradechël mustreda tres livestream sun l canal you-tube dla Provinzia de Bulsan. N possa ti cialé ai video dla cunferënza stampa per livestreaming, ma nce mo da dedò tla playlist di canai you-tube dla Provinzia de Bulsan per tudësch y talian (Deutsch, Italienisch). La cunferënza stampa vën cianceda te maniera simultanea tla rujeneda di sënies tudëscia y taliana.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/gst/dl