Atualità
Servijes nueves per l paiamënt dla chëuta sun l auto
USP – Cun vel servisc sëuraprò uël la Provinzia ti unì ncontra a chëi che muëssa paië ite la chëuta sun l auto cialan a chësta maniera de ti unì ncontra ai chëi 9% che fej mo for truep fai a paië ite. Sun pruposta dl assessëur ala finanzes Werner Frick à la Jonta provinziela ncuei, lunesc 5 de lugio, dat pro i servijes sëuraprò y la cunvenzion cun l club abtomobilistich ACI. De setëmber uniral metù man cun n scrit de nfurmazion y l fé al savëi che n pudrà nce paië ite tres internet zënza spëises.
„Per ti unì ncontra a chëi che à da paië ite la chëuta di auti ulons miuré i servijes y i purté plu daujin al zitadin“ à dit l assessëur Frick. Duc chëi che ti toma l tëmp da paië ite la chëuta de setëmber giaprà n scrit cun i termuli da tenì ite y duta la pusciblteies de paiamënt. Tl dipartimënt per l’economia se aspieten truep dal mesun de paiamënt nuef tres internet: l ie na maniera segura, se sapranian de messei ji te vel luech y mplù mo zënza spëises. La chëuta per l auto possa nchinamei unida paiëda tres telefon dal ACI, pra la Posta, pra l’agenzies automobilistiches de lizënza y tla butëiga dal tabach. N’autra nuvità ie l fé al savëi dl tiermul per l proscimo paiamënt tres e-mail. De dezëmber giaprà l zitadin seuraprò al scrit de nfurmazion nce na zedula de paiamënt bele scrit ora. Aldo de Frick ulëssen cun chësc prim var ti uni ncotra ala gran cumpëida de fai che vën a se l dé pra l scrì ora a man la zedules de paimënt.USP
