Atualità
Giaurida dl troi dla natura nuef a Zans ai 20 de agost
USP – La particulariteies dla natura y dla cuntreda ntëur a Zans tla valeda de Funes possen damoinla udëi dal troi nuef dla natura. Chësc troi ie nce da ti ruvé permez per la persones sun n stuel da rodes. L presidënt dla Provinzia Luis Durnwalder y l assessëur Michl Laimer giaurirà ufizialmënter l troi dla natura metù a ji tres i ufizies Parcs Naturei y per l’Aministrazion Furestela, n vënderdi ai 20 de agost 2004 dala 11 danmesdi a Zans.
Itinsom la valeda de Funes se anconta la cuntreda culturela cun la natura plu salvera. Passan per l troi nuef dla natura possen cunscidré la natura da daujin. Ndut 14 stazions dà nfurmazion sun co che ie unides a se l dé la particulariteis geologiches de chësc raion. Na nuvità ie nce che l troi ie unì njenià a na maniera che l ti possa ruvé permez persones cun handicap che ie sun n stuel a rodes. De plu stazions à nchinamei na scritura cun l sistem Braille. L presidënt Durnwalder y l assessëur Laimer giaurirà n vënderdi ai 20 de agost dala 11 danmesdi ufizialmënter l troi nuef. La giaurida unirà tenida n presënza dl ambolt de Funes Robert Messner y de Martin Telser dla lia tët dl’associazions sozieles dl Südtirol. Te chësta ucajion iel nce udù dant de fé na raida sun l troi dla natura nuef. I rapresentanc di media ie nviëi ala giaurida dl troi, n vënderdi ai 20 de agosti, dala 11.00 danmesdi a Zans, tla Val de Funes y dl dé tres si mesun de cumunicazion.USP
