Atualità
Di dla Scola Ladina ai 3 de setëmber
USP - La scola ladina y si particulariteies sarà n vënderdi ai 3 de setëmber 2004 l argumënt zentrel dl cunvëni a Urtijëi. L assessëur ala scola y cultura ladina Florian Mussner rujenerà ala maestres, ai maestri y ala persones respunsables dla scola.
La ancunteda de scumenciamënt dl ann de scola 2004/05, davierta a dut l personal dla scola, sarà ai 3 de setëmber 2004 tl’aula magna dla scola elementera de Urtijëi. Do l intervent dl Assessëur ala scola ladina Florian Mussner y di autri ghesc’ d’unëur, saral l’introduzion al ann de scola da pert dl Ntendënt Roland Verra.
Daldò tenirà l dozënt universitër Sigrfied Baur n referat n pert per talian y n pert per tudësch sun l argumënt dla educazion y dla scola te n mond globalisà.
L Dì dla scola ladina iè na ucajion de ncuntëda per duc chei che lëura te scola y scolina: diretëures, nsenianc, personal aministratif y n.i.
La manifestazion vën meduta a ji dal Ufize provinziel per la Scola ladina. L di dla scola ladina vën recunesciù schiche di de furmazion per nsenianc y ie na manifestazion de ublianza per dut l personal de scola.
I rapresentac di media ie nviëi
al „Di dla Scola Ladina“,
n vënderdi ai 3 de setëmber 2004, dala 9 danmesdi
tl’aula magna dla scola elementera de Urtijëi
y nce de l dé tres.
USP
