Atualità
Mussner y Durnwalder fej i auguresc per l Grand Prix dla mujiga da mont
USP – La grupes "Die Ladiner" primes, Belsy sgonda y Brigitte Aichner, alias "Angelina" terza, majer ne ëssa nia pudù vester l suzes di nterprec dl Südtirol pra l Grand Prix dla mujiga da mont. Per telegram à l presidënt dla Provizia Luis Durnwalder y l assessëur Ladin Florian Mussnser mandà i auguresc ai „ambasciadëures musichei“.
„Truepes dl Südtirol se à tres la televijion lascià tré pea dala legrëza per l suzes“ iel unì scrit tl telegram de augure dl presidënt Durnwalder a „Die Ladiner“ a ala ciantarina Belsy Khan, tramedoi de Gherdëina. Sëuraprò ai auguresc rengrazia nce l presidënt dla Provinzia: „ëis purtà l inuem de nosta tiera sciche raion dla mujiga da mont sëura i cunfins ora“. L assessëur ladin Florian Mussner à bele n dumënia sëira purtà de persona si auguresc. „Per dut l Südtirol y dantaldut per nosta valeda sëis n unëur“ à dit Mussner. Nce la terza grupa dl Grn Prix che tol ite dut l raion de rujeneda tudëscia, à un n cumpunënt dl Südtirol. Brigitte Aichner, alias "Angelina" à ciantà cun na grupa tudëscia. Nce ëila à giapà n telegram da Durnwalder.USP
