Mussner rejona cun i rapresentanc de Chemun sun l ncrëusc nuef a Longega
USP – Sun co che la streda dla Val Badia dëssa ji inant a Longega iel chëst ena unì cialà plu avisa dal pert dl Assessëur Florian Mussner sun nvit dl Chemun de Mareo. Deberieda cun rapresentanc dl Chemun y la jënt de Longega iel unì ejaminà la situazion.
L assessëur Mussner cun l ambolt de Mareo, Albert Palfrader
L toch de streda a Longega che mëina de viers de Al Plan ie deventà argumënt de discuscion. Doi prupostes ie unides valutedes dal assessëur Mussner deberieda cun i tecnics de cupetënza, rapresentanc dl Chemun de Mareo y chëi che vif a Longega. „Ne ulessan nia mëter i zitadins dan a cosses bele fates ora, ma i tré ite tla proietazion, perchël à l Dipartimënt ai Lëures Publics laurà ora doi iedeies te n studi, à dit Florian Mussner. I rapresentanc dl Chemun y i zitadins presënc se à mustrà a una cun l’idea de n rondel riesc do l cuinto tunel dl streda dla Val Badia, dlà dala Gadra. „Nchin ai 15 de utober possa i rapresentanc dl Chemun deberieda cun i zitadins nteressei dé ite prupostes pra l Dipartimënt per Lëures Publichs“, sorissea l assessëur Mussner. Chësta prupostes unirà cialedes tres dai tecnics y alldò dla pusciblteies nce ntegredes tla proietazion. A mez nuvëmber iel pona udù dant mo n’ancuteda dl Assessëur cun i rapresentanc dl Chemun y i zitadins de Longega. Te chësta ucajion uniral pona rujenà sun l proiet de mascima.
USP
Galaria dales fotografies
L assessëur Mussner cun l ambolt de Mareo, Albert Palfrader
