Atualità
Cuntribuc per la furmazion prufesciunela tla sanità
USP – Chi che fej tl ann de scola 2004/05 vel furmazion de basa o furmazion spezialiseda per n mestier tl ciamp saniter possa fé cont cun vel suvenzion de studi sce l tën ite la cundizinos damandedes. Chësta normativa vel nce per la ncëires prufescioneles y de aiut tl ciamp saniter.
I cuntribuc de studi giapa studëntes y studënc che à abù n davani sot a 23.500 Euro tl ann 2003. La soma dl cuntribut vën a se l dé aldò dl davani y de tan giut che dura la furmazion. Per cuntribuc de cursc che mët man dal prim de agost 2004 nchin al 31 de dezëmber 2004, muessen dé jù la dumanda nchin ai 30 de utober 2004. Per i cursc che scumëncia tl ann 2005 nchin ala fin de lugio, ie da dé jù la dumanda nchin ai 30 de auril 2005. I forumulares per fé la dumandes giaten tl Ufize provinziel per la furmazion dl personal saniter a Bulsan, Ripartizion Sanità, tla streda Libertà 23, tl VIII partimënt. I formulares y l regulamënt per i cuntibuc de studi ie nce da abinè tl internet sot a www.provinz.bz.it/gesundheitswesen/2305. Per nfurmazions plu avisa possen nce to su cuntat cun l Ufize provinziel per la furmazion dl personal saniter, damandan do Claudia Paulato (tel. 0471/411612 – 411600 – E-Mail: claudia.paulato@provinz.bz.it).USP
