Atualità
Terminns por i ejams de concurs di insegnanc tles scores ladines
USP - Sëgn él dan man i terminns sigüsc por i ejams de concurs di insegnanc dles scores ladines. L’Intendënza ladina sot ala direziun dl ispetur dla scora ladina Lois Ellecosta à metü jö n calënder cun dötes les dates. “La maiù pert di ejams scric gnarà tignis ti dis incër les festes da Pasca” à dit l’ispetur Ellecosta. Insciö po i insegnanc s’arjigné ca ai ejams por tëmp.
Acioche i insegnanć che tol pert ai ejams de concurs por les scores ladines pois se anotè les dates te süa agenda à l’Intendënza ladina laurè fora n calënder d’ejam. Sön le calënder él da ciafè sides i terminns por i ejams scrić che por chi a usc y sambëgn inće le post olach’ai gnarà tignis. I candidać vëgn invià a se presentè bele por les 8 dadoman ti posć dà dant se tolon para n documënt d’identité varënt. Por i ejams te dötes les tlasses de concurs vëgnel ma lascè pro vocabulars te un n lingaz. Chësc vel sambëgn inće por l’ejam de ladin; i vocabolars de Mischì (Val Badia) y de Forni (Gherdëna) ne po porchël nia gnì adorà. Por les tlasses de concurs 47/A, 48/A, 49/A y 59/A (matematica) ne vëgnel nia conzedü d’adorè mascinns da fà cunć da programè. Por le setur dl’ert po i candidać se tó para le material da designé y düć i stromënć che va debojëgn por realisé sü laûrs, sce chisc ne vëgn nia bele metüs a desposiziun dala scora. I ejams mëss gnì scrić tl lingaz te chël che les singules materies vëgn insignades. Ma por ći che reverda la scora elementara y la materia religiun mëss i ejams gnì scrić mez por talian y mez por todësch.Tla injunta él da ciafè le calënder di ejams.
USP
