Atualità
-
NVIT Brosciures sun la ntegrazion: presentazion a Al Plan y Urtijëi
Acumpanië y alesiré la ntegrazion tla scoles y scolines ladines cun cunsëies y nfurmazions d’utl: chësc ie l fin de doi brosciures nueves svilupedes dal Serivisc per la Consulënza psicopedagogica y per la ntegrazion dla Ntendënza ladina per i genitores cun n background de migrazion y per l personal didatich/pedagogich. La brosciures nueves unirà presentedes ai 07/03 a Al Plan y ai 09/03 a Urtijëi.
-
Temesc dl mëis sön la plata Euregio: da Interreg a Ötzi
Vigni mëis él l’Euregio che presentëia sön süa plata web na personalité, n lüch y na chestiun iuridica che reverda döt le raiun dl’Euregio. Chësc mëis é dediché a Gina Streit che coordinëia i proiec Interreg tl Tirol y al Museum archeologich dl Südtirol cun Ötzi. Implü rajona Peter Gamper dla Repartiziun Europa söi programs nüs de Interreg 2014-2020.
-
I parcs naturai chir junior ranger: iscriziuns dal pröm de merz inant
Ince chësc ann ará i mituns y les mitans danter i 10 y i 11 agn la poscibilité da tó pert ai cursc de „Junior ranger di parcs naturai“, na scomenciadia che vëgn metüda a jí chësc ann tl Parch natural Fanes-Senes-Braies a Al Plan de Mareo. Da indoman (01 de merz) pon se scrí ite.
-
Mobilité, Mussner y Felipe: „Mioré i coliamënc transfrontaliers“
La colaboraziun danter le Südtirol y le Tirol, tl setur dla mobilité, reverda en gran pert i coliamënc transfrontaliers. Y ara mëss le fá tres deplü, dantadöt te na perioda storica te chëra al vëgn indô rajoné de barieres ai confins. Sön chësc é a öna i assessurs provinziai Florian Mussner y Ingrid Felipe che s’á incunté incö (25 de forá) a Desproch.
-
Desfá confins y colié les porsones: le plann 2016 dl sorvisc por la jonëza
I assessurs provinziai Philipp Achammer y Florian Mussner á presenté incö ai 24 de forá tratan na conferënza stampa tla sënta dl Sorvisc ai Jogn de Balsan i punc plü importanc di planns anuai por la promoziun di mituns y jogn di grups de lingaz ladin y todësch. La Junta á aprové da püch les döes deliberes.
-
Dala Junta: vademecum por apliché la lege provinziala söi apalc nöia
La Junta provinziala á aprové incö (ai 23 de forá) n vademecun por alisiré l’aplicaziun dles desposiziuns normatives dla lege provinziala söi apalc nöia. Le vademecum é n documënt cun plü diretives y al é gnü publiché sön la plata web dl’agenzia di contrac publics.
-
Dala Junta: 19 miliuns por la manutenziun straordinara dles strades
Por la manutenziun straordinara de 2826 chilometri dles strades, 1662 punc y 206 galaries sön les strades statales y provinziales él a desposiziun por le 2016 indöt 19 miliuns de euro. Le program spezifich é gnü aprové incö (ai 23 de forá) dala Junta provinziala.
-
Dala Junta: compensaziuns ambientales BBT, plü sigüda la statala a Mauls
La junta provinziala á aprové incö (ai 23 de forá) le schema dla convenziun dla sozieté Brenner Basistunnel BBT SE y la Provinzia por sistemé la statala 12 a Mauls tl Comun de Freienfeld. I intervënc de mioramënt de indöt 1,8 miliuns de euro toca pro le program dles mosöres de compensaziun ambientala preodüdes por la realisaziun dl tunel de basa dl Prener.
-
Dala Junta: finanziamënt ai Comuns por la banda lëria y l'ultima milia
I Comuns rurai podará ti rové pormez a n finanziamënt por stlü jö l’infrastrotöra dla banda lëria: la junta provinziala á daurí incö la prozedöra de presentaziun dles domandes d’aiüt preodüdes dala sotmosöra 7.3 dl Program de svilup rural nü. Le budget é de 15,3 miliuns de euro cina al 2020.
-
Dala Junta: Locai por la Crusc blancia y Socurs alpin a Bornech
La Provinzia ti mët a desposiziun deban ala Crusc blancia, al Socurs alpin y al Socurs sot ega n valgügn locai dl Zënter dla proteziun zivila da Bornech. Les conzesciuns de de plü agn é gnüdes aprovades incö (ai 23 de forá) dala junta provinziala sön proposta dl assessur Florian Mussner.
