Atualità

USP – Per n auter ann iel udù dant de dé ora passa 178 milion de euro per seguré la cures, chësc ie 6 milion de plu permez a chësta ann. Chësc à cunedì l assessëur Richard Theiner, (NCUEI) ai 25 de nuvëmber ntan la cunferënza stampa de prejentazion dla prioriteies tl bilanz 2012. De setëmber fejen cont de avëi laurà ora la lege nueva per la families.

USP – Chisc dis iel unì fat l colaudo per l puent nuef che l Assessorat provinziel ai lëures publics à lascià fé sun Jëuf de Sela. Daujin ala cava iel unì fat da nuef n puent che ne garantivia nia plu segurëza per i mesuns pesoc. Per chësc pruvedimënt de segurëza sun streda y per arjonjer plu saurì Gherdëina, à la Provinzia de Bulsan fat na nvestizion de 150.747 euro.

USP – Plu segurëza sun i purtoies per i mëndri ie l ubietif de n proiet de Skirama Plan de Corones ulache ntan l proscimo inviern fajerà pea 551 sculeies. „N proiet de ejëmpl che dëssa unì fat do te dut Südtirol“ à metù a cuer l assessëur Hans Berger ntan la cunferënza stampa, (NCUEI) ai 22 de nuvëmber.

USP – La Jonta provinziela à (NCUEI) ai 21 de nuvëmber dat pro la nueva cunsulta ladina di jëuni. Plu de mec i cumëmbri ie nueves: esprescion de inuvazion y mpo cuntinuità.

USP – La Jonta provinziela ne uel nia che la chëuta turistica vëniel tëuta ite sun la basa dla lege naziunela y nsci ala (NCUEI) ai 21 de nuvëmber dat pro na pruposta de lege a pert dala lege finanziera. Danter i argumënc de majera nteres che l presidënt Durnwalder à prejentà riesc do la senteda iel i pruvedimënc per smëndrì burocrazia, l sustëni a produzions de films y l finanziamënt per l furnel dal refudam a Bulsan.

USP – La Jonta provinziela cëla de stlarì co spartì su l finanziamënt dl furnel dal refudam a Bulsan Sud. Per chësta rejon iel (NCUEI) ai 21 de nuvëmber unì fat ora de mëter su na cumiscion che dëssa lauré ora na pruposta aldò.

USP – La Jonta provinziela à (NCUEI) ai 21 de nuvëmber dat pro la terza pert de sustëni per films. Chëst iede se tratel de 3,5 milion de euro che vën adurvei per sustëni chësc canal de promozion per l dut l raion provinziel.

USP – L pachetl de pruvedimënc per smëndrì burocrazia dla Jonta provinziela devënta for plu cuncret. Tla senteda (da NCUEI) dl 21 de nuvëmber à l presidënt Durnwalder prejentà la prupostes che reveda si departimënt, ntan la proscima sentedes unirà do chëles di autri assessëures provinziei.

USP – La Jonta provinziela à dat pro na pruposta de lege sun na chëuta turistica che reveda duc chëi che prufitea dl turism. La dezijion de (NCUEI) 21 nuvëmber ie na cunseguënza dla refudeda da pert dla cumiscion dl Cunsëi provinziel che ne ova nia azetà chësta puscibltà ududa dant tla lege finanziera.

USP – La mostra sun la ferata de Gherdëina ie sën da pudëi vijité tl Tublà da Nives te Sëlva. (NSNUET) ai 18 de nuvëmber iel n ucajion dla giaurida nce unì prejentà l catalogh de chësta mostra metuda a jì dal Museum Ladin.