Atualità
-
Culaburazion sëura la sëides per nuzé ressorses natureles
USP – Na culaburazion sëura la sëides ie la mira de n proiet INTERREG IV danter la Talia y l’Austria. Pra la prejentazion dl proiet, ncuei 19 utober a Bulsan à l assessëur Florian Mussner sorissà la mpurtanza de nuzé la ressorses natureles da tlo y ma de les adurvé cun cura.
-
Dumënia ai 24, domesdì cun artisc’ tl Museum Ladin
USP – L Museum Ladin Ciastel de Tor nvieia n dumënia domesdì, 24 de utober, a n’ancunteda cun i artisc’ dla mostra Trienala Ladina y cun la davagnadëssa dl Pest de scultura Richard Agreiter.
-
Lëures sun l stradon de Gherdëina da Tluses ite
USP – Duman merdi, 19 de utober iel sun la streda danter Tluses y Puntives da fé cont cun lëures sun streda y de cunseguënza da aspité per pudëi passé. Ajache l vën fat lëures ti tuniei saral for inò da aspité nchin a 15 menuc.
-
Jonta: Durnwalder conta dl’ancunteda cun l minister Frattini
USP – N sada 16 utober ie unì a se l dé a Maran l’ancunteda che l minister Frattini se ova bele da giut damandà cun l presidënt dla provinzia Durnwalder. “Mpede se strité tres i media dëssel unì rujenà”: chësc ie stat l pensier che à sburdlà a fé l’ancunteda ulache l ie unì rujenà de 20 cuestions daviertes. Durnwalder à nfurmà la Jonta provinziela sun i resultac dl’ancunteda.
-
Jonta provinziela uel amunì mpede straufé
USP – Amunizions mpede straufonghes: chësta ie la maniera cun chëla che la Jonta provinziela uel ti jì permez a chëi che ne à nia tenì ite la normatives aministratives. Chësc dëssa aldò de Durnwalder valëi sce l nia respeté ne à nce nia cumpurtà dann.
-
Jonta provinziela: Stallersattel nce daviert de nuet
USP – L Stallersattel dëssa nce unì tenì daviert de nuet. La Jonta provinziela à te si senteda da ncuei, 18 utober, dat pro la pruposta di ambolc dl Osttirol.
-
Nfurmazion per i peresc de familia
USP – Tenian cont dla cumplessità de nosta sozietà, giapà i ëi sustëni te si mpëni de vita a vester pere de familia. La Jonta provinziela à dat pro l proiet de dé ora n cudejel de nfurmazion.
-
Cumiscion per l zënter cumerziel dat pro dala Jonta provinziela
USP - La Jonta provinziela à numinà la cumiscion che dëssa lauré ora prupostes per l zënter cumerziel a Bulsan.
-
Jonta provinziela: ejam per solarium
USP – Te si senteda da ncuei, 18 utober, à la Jonta provinziela stlarì la cuestion dl’ejam per mené solarium. Zënza ejam possen me mené una, de cater categuries de solarium.
-
Jonta provinziela: lizënza per cales y slites
USP – La Jonta provinziela à te si senteda da ncuei, 18 utober, dat pro che n adrova n’ejam per mené jënt cun na cales o slita trata da ciavëi.