Atualità
-
La Provinza sustën i cuntroi ai prodoc de cualità
Usp – Auzé l livel de cualtà di prodoc dl Südtirol, chësc ie chël che l Assessorat Provinziel per l cumerz uël arjonjer. Da permò à l Guviern Provinziel dat prò de sustenì i cuntroi ala cualità per la versura, la verdura, l lat y i prodoc dl lat.
-
Ejam per lauré cun gas da tuesse
Usp – Chi che adrova gasc da tuesse per si mestier muessa avëi n ejam aldò. Tla scola profesciunela de rujeneda taliana a Bulsan- Haslach vëniel ai 17 de dezëmber metù a ji chisc ejames, nsci vëniel fat al savëi dal Ufize Provinziel per l igena y sanità pubblica.
-
Cuntroi ai cuntribuc culturei ladins
USP - Sciche udù dant dala lege vëniel fat cuntroi sun i cuntribuc culturei cunzedui dala Provinzia. L 6% di caji che vën cialei do plu avisa dal’Aministrazion Provinziela unirà trai ora tres n’estrazion ai 12 de dezëmber te na senteda publica.
-
Publicazion nueva sun contribuc per studënc
Usp - Da permó à l ufize per l sustëni de studënc dat ora n cundejel dal titul "Recht auf Bildung - Förderungsmöglichkeiten für Hochschüler/-innen". Studënc y chëi che l ulëssa deventé abina tlo nfurmazions sun i cuntribuc y i servijes che la Provinzia de Bulsan piëta.
-
Svilup dl Turism - ann turistich 2002/03 (Astat)
L turism dl Südtirol à ntan l utober 2003 da musrè su 3,7% manco turisc´ y 7,6% manco nuetes afitedes permez a utober dl ann passà. L instà 2003 ie stat plu dëibl permez a chël dl 2002. L ie unì cumpedà 2,0% plu turisc´ ma perchël iel unì afità 0,6% manco nuetes. Ntan dut l ann turistich 2002/03 iel unì arjont n plus de 3,7 % pra i turisc´ y 1,1% pra la nuetes afitedes.
-
Udienzes dl Aucat Populer
Tl’ena danter l prim y l cinch de dezëmber tën l Aucat Populer de plu udienzes. N juebia ai 4 de dezëmber nce a Urtijëi.
-
L Forum per lëures publics damanda na lege unitera
Usp – Mudazions ala lege provinziela sun la frabiches iel states l agrumënt dla sgonda ancunteda dl Frorum per lëures publics stata da permò. L ie unì a lum l bujën de regulé dut l ciamp di lëures, spedizions y servijes publics n cont de dé su i lëures, tres na lege provinziela nueva.
-
Consultes di jëuni presenta prupostes a Durnwalder
Usp – Na lingia de prupostes per l lëur cun i jëuni ti proscimi ani iel ch’stadi unì presentà da pert dla consultes per i jëuni de rujeneda tudëscia y ladina al Presidënt dla Provinzia Luis Durnwalder. La consultes vëij l mpëni dla Porovinzia per l lëur cun mëndri y jëuni de bon uëdl. Sën se damanden dlongia la segurëza finanziela per l lëur cun jëuni nce la ntroduzion dl aucat per jëuni y na lege per straverdé mëndri y jëuni. L Presidënt Durnwalder à mpermetù de ulëi se mpenië per chesta cuestions.
-
Da fauré inant furmazion per trainer de „Wellness“
Usp – N curs a pèr dl lëur per trainer de „Wellness“, vëniel da fauré 2004 pità dala Scola Profesciunela "Luis Zuegg" de Maran. L curs ie de ndut 900 ëura y dura nchin d’auton 2005. Nteressei possa nrescì velch de plu pra n domesdi de nfurmazion l merdi ai 16 de dezëmber 2003 tla Scola Profesciunela da hotelier Kaiserhof a Maran.
-
Sponsorisazion per la Copa dl Mond te Gherdëina y Badia
Usp – La Provinzia sponsoriseia la trëi garejedes de Copa dl Mond te Gherdëina y tla Val Badia dai 19 ai 21 de dezëmber cun ca. 150.000 Euro. La Jonta Provinziela à da permò dat pró la cunvenzion de retlam presenteda sun pruposta dl assessëur Werner Frick. Pra la garejedes fajerà la Provinzia retlam per l Südtirol.