Atualità
Museum Ladin gëura n Dumënia dl Ulif – argumënt lidëza
USP – N Dumënia dl Ulif, ai 5 de auril gëura l Museum Ladin a S.Martin per la sajon da instà. La mostra speziela sun la ciampanes storiches possa mo unì vijiteda nchin ai 12 de auril.
Per via dl gran nteres ala mostra speziela sun la ciampanes tl Museum Ladin Ciastel de Tor, ie chësta mostra mo da udëi nchin da Pasca ai 12 de auril. La mostra dal titul “Alda lascia vëies… din don, don don” ie davierta ntan i medemi orares dl’autra pert dl museum, la ntreda ala mostra ie debant.
La ann 2008 à l Museum ladin dedicà al bront, chëst ann se an tëut dant l argumënt dla lidëza. Sun l program iel de plu mostres, la prima gëura ai 24 de auril cun opres dl artist Adalbert Tolpeit da La Val.
L Museum Ladin ie nchin ala fin de utober daviert da merdi a sada dala 10 ala 18 y de dumënia domesdì dala 14 ala 18. Lunesc ie di de paussa.
as
