Atualità
Cunferënzes dla Cumiscion per valivanza danter ëi y ëiles
USP – La rujeneda dl corp, modiei dla cunviver y l azeté de cuestions negatives ie i argumënc che la Cumiscion per la valivanza dla chances y l Ufize provinziel dl’ëiles mët a ji ntan chëst ena.
La giornalista Nina Schröder porta dant duman mierculdi, 15 de auril a Algund (20.00 tla bibliotech), ciun che ie l senificat dla rujeneda dl corp. La comunicazion dl corp dij de plu de chël che n se rënd cont. Tla cunferënza uniral mustrà su defrënzes danter ideai dl’ëila y dl ël, y ciuldì che la rujeneda ie daniëura n relazion cun l sés y l pudëi.
L’aucat Julia Unterberger rujenerà n juebia, 16 de auril a Schluderns (dala 20.00 tla cësa de cultura) sun la maridé o viver deberieda. Tla cunferënza uniral prejentà i doi modiei de viver deberieda n referimënt ala cumenanza y spartizion dl avëi.
N vënderdi, 17 de auril saral pona a audì tl ciulé di Capuziner a Tluses (dala 20.00) n referat sun l svilup dla persunalità y la meditazion. Barbara Monti rujenerà per talian dantaprima sun l udëi y azeté pertes negatives de sé nstësc.
as
