Atualità
La storia dl Südtirol n dumënia tla televijion
USP – N dumënia che vën, 24 de mei mostra la RAI de Bulsan la segonda pert dla documentazion sun la storia dl Südtirol. Dala 9.40 danmesdì uniral mustrà l capitul dedicà ala dlieja. L film documenter ie fat per talian cun ntervistes per tudësch y ladin.
La produzion dla scola de films Zelig de Bulsan ie unida fata n culaburazion cun la storica Andrea Bonoldi, Christoph Hartung von Hartungen, Carlo Romeo y Alessandra Zendron. Te pertes da 20 menuc vëniel jit sot ti argumënc dla patria, dlieja, turism, vieres, agricultura, ndustria, ëiles, rujenedes, autonomia y leges.
Pra la prejentazion dla serie de films sun la storia dl Südtirol à l assessëur Christian Tommasini sorissà la cumplessità y di argumënc che va nce un contra l’auter, te n raion danter doi cultures de rujeneda. I filmes dëssa unì udui sciche n aiut acioche la cultures defrëntes se sënte da cësa tl Südtirol.
as
