Atualità
Acurdanza cun Trënt sun energia, frabiché cuatieres y mubilità
USP – La Provinzies de Bulsan y Trënt uel purté inant deberieda inuvazions tl ciamp dl’energia alternativa, frabiché cuatieres tl respet dl ambient y mubilità da sustenì tl daunì. Sun pruposta dl’assessëura Barbara Repetto à la Jonta Provinziela de Bulsan n lunesc (22 juni) dat pro n’acurdanza.
„Tres chësta acurdanza ulons che la doi provinzies arjonje na posizion danora n cont de proiec da sustenì tl daunì“ spiega Repetto. Tla culaburazion purtëssa Bulsan dantaprima si savëi n cont dl frabiché tl respet dl ambient y sparanian energia. Trënt ie sterch n cont de esperienza y savëi tl’ambient y energia. „La culaburazion à l fin de baraté esperienzes ma nce de purté inant deberieda proiec cuncrec per nuzé nce suvenzions da pert dl Stat y dl’Europa“ dij l’assessëura.
L prim var dëssa vester chël de sëurantò nce a Bulsan n’acurdanza che ie unida fata danter Trënt y l Minister dl Nseniamënt a Roma. L se trata tlo de culeghé istituzions, firmes y universiteies che fej tuedes tla tecnologia ambientela. Tl ciamp dl’efizienza energetica dëssa l’Agenzia Cësa Tlima a Bulsan y l’istituzion trentina se giamië l savëi n cont de tecnologies y arjontes scientifiches.
Cun la delibra dla Jonta Provinziela de Bulsan, an śën dat pro da tramedoi pertes la pruposta de acurdanza. Tla proscima enes unirà l’acurdanza sun energia, frabiché cuatieres y mubilità sotscrita dai doi presidënc Durnwalder y Dellai.
as
