Atualità
Berces ti ruves a Al Plan y S. Laurënz: Durnwalder sun l post
USP – Co che la va inant cun trëi majeri lëures n cont de ruves da mont à l presidënt dla Provinzia Luis Durnwalder ncuei (9 lugio) nstës ulù cialé do deberieda cun i tecnics dla Repartizion per ruves da mont. N cont di lëures a Al Plan y San Laurënz à Durnwalder spiegà che i lëures vën fai per defënder raions de produzion y purtoies dai schi.
La delegazion cun Durnwalder à vijità i ruves de Cianross y Foscedura tl Chemun de Al Plan de Mareo ulache n ie tl lëur de seguré l raion de Cianross che fova smuià dl 2006. Chësta smueia ova desdrù la stazion a mont dl lift dai stuei y dut l raion. Tlo vëniel śën fat lëures per fermé l rone, ti dé inò forma y l fé crëscer ite da nuef. “Nchin d’autonn 2009 uniral finà de fé su da nuef la stazion dl lift” à dit l presidënt Durnwalder. I lëures che vën fai per n custimënt de 900.000 Euro, ie unì dai su y vën nce finanziei dal Chemun de Al Plan.
For a Al Plan ie Durnwalder nce stat a ti cialé ai lëures per seguré doi ruves che aldò dl plann di raions periculëusc manacia de smuië: i ruves de Fojedüra y Ciamaur. Tl raion de produzion Ciamaur y sun la plaza dal palé pudëssa jì sëur'ora i ruves. “Per defënder i raions dal pericul di ruves vëniel fat berces su la pert a est dl raion de produzion. La berces tenirà su l material da pert dl bosch acioche l ne ruve nia ju te valeda cun gran dann” spiega Durnwalder. I prim proiet ie bele unì finanzià cun 230.000 Euro, nfati per seguré dut l raion n pericul, iel debujën de mo doi lëures cun berces che defënd la cëses.
Deberieda cun i diretëures de repartizion Heinz Holzer y Rudolf Pollinger, à l presidënt Durnwalder danmesdì vijità i lëures a S. Laurënz. Nce tlo iel debujën de fé berces per defënder l raion de produzion n cajo che l ruf Rienz ëssa da jì persëura. I lëures vën coordinei dal tecnics dl ufize provinziel per i ruves da mont y finanziei cun 1,4 milion de Euro dal Stat y cun 300.000 Euro dala Provinzia. Chisc lëures jirà inant per n ann ntier. L vën fat berces sun la pert ciancia dl ruf. “Sëuraprò a rafurzé i parëies dl ruf, vëniel nce fat crëscer ite l rone y juntà pësc tl ruf, spiega Durnwalder. Cun chisc lëures vëniel nce fat la streda dala rodes su ëur dl ruf”.as
