Atualità
Ciamins de asbest: nfurmazion sun la segurëza
USP – Ntan doi dis de furmazion à l Ufize provinziel per la defendura dla cuntreda deberieda cun la Lia di artejans (LVH/APA) metù a cuer a 70 scoaciamis l problem dl zemënt da asbest ti ciamins. I scoaciamins dëssa dantaprima mparé a cunëscer i pruvedimënc de segurëza.
L argumënt dl zemënt da asbest ti ciamins y tëc, ie stat l argumënt zentrel di dis de furmazion metui a jì dal Ufize provinziel per la defendura dla cuntreda. “Dantaldut iel i scoaciamins che muessa savëi co che n possa se defënder dai periculi de materiai da asbest” sorissea l diretëur de ufize Georg Pichler.
Nsci iel unì purtà dant da dutores y tecnics dl ambient ciuni che ie i periculi de santià a lauré cun prudoc de asbest y ciunes che ie la normes n cont de abient y lëur. La se à tratà de dé inant nfurmazions cun chëles che i possa nfurmé patrons de cëses y cuatieres fates cun materiai da asbest. Ai scoaciamis iel nce unì damandà de fé ala savëi al ufize provinziel i caji ulache l ie mo asbest ti ciamins, chësc per pudëi anjenië ca adatamënc per chisc ciamins.
as
