Atualità
Scemplificazion per huties da mont
USP – La Jonta provinziela ti vën ancontra a uties da mont o luesc da paur che ie te na posizion plu desman. Te si senteda dl 04 de juni (NCUEI) à i assessëures provinziei dat pro na scemplificazion n cont dl duvier de mené demez l refudam y l’eghes fosces.
Per giapé la lizënza de mené na utia da mont muessen garantì l mené demez dl refudam aldò de cundizions drët sciorfes y l taché ite dl’eghes fosces ala canalisazion. “Tla pratica ne pudons nia pertënder che n ost feje nstess de plu chilometri de canalisazion, perchël ons dat pro n’ezezion” à dit l presidënt Luis Durnwalder riesc do la senteda dla Jonta.
Per cëses pusizionedes te na luegia drët desman possel nce unì azetà na buja de sobanch y n trasport scemplificà nchin pra la luegia ulache l vën abinà adum l refudam.
as
