Atualità
-
Laimburg, setur dl’archirida autonom, aministraziun unica
Le proiet de reorganisaziun dl Zënter de sperimentaziun agrara y forestala Laimburg y dl’Aziënda provinziala por l’aministraziun di bosć y dl demane é gnü presenté incö, ai 12 d’agost a Vadena dal assessur Arnold Schuler adöm cun i responsabli di dui ënc. L’obietif é chël da renforzé le Zënter Laimburg sciöche zënter de archirida, aumenté l’efiziënza dles aministraziuns y la segurté di cosć.
-
Abo+, le mez di anuzadus á bele scrit fora les domandes online
La Provinzia ti respogn ales critiches fates ti ultimi dis che reverda les prozedöres por damané do l’Abo + por scolars. „L’internet y le barat di dac online é oramai na realté“, sotlignëia l’assessur por la mobilité Florian Mussner, che spliga che „bele le mez di anuzadus á scrit fora les domandes online.“
-
Forum Alpach, ai 23 d’agost le De dl Tirol
„Euregio Tirol-Südtirol-Trentin, na ciasa coletiva nöia: integraziun impede estlujiun“. Chësc é le slogan dl De dl Tirol che gnará organisé a Alpach (Tirol) ai 23 d’agost tl contest dl Forum europeich.
-
Dala Junta: colaboraziun cun l'ACI por recuperé i punc dla patent
Fá adinfora dl Safety Park n zënter de competënza nazionala sön le rovëne sigü: chësc é l’obietif dl’acordanza cheder danter la Provinzia de Balsan y l’„Automobile Club d’Italia“ (ACI) portada dant dal assessur por la mobilité Florian Mussner. La colaboraziun cun l’ACI prevëiga la realisaziun de cursc por recuperé i punc dla patent.
-
Dala Junta: lege sön i apalc, scemplificaziuns y sbürles al’economia
„Definí na regolamentaziun tlera, scëmpla y autonoma por ci che reverda la tematica di apalc cun l’obietif da ti dé impulsc nüs ales impreses y cooperatives locales.“ Chësc le messaje zentral dl presidënt dla Provinzia Arno Kompatscher do che la lege provinziala sön i apalc é gnüda debatüda incö (11 d’agost) te Junta.
-
Dala Junta: mesi dl Sorvisc strades plü efiziënc y che incuinëia demanco
La Provinzia de Balsan á aprové incö (ai 11/08) n investimënt de 3,7 miliuns de euro por renové i mesi a desposiziun dl Sorvisc strades dla Provinzia. La deliberaziun é gnüda proponüda dal assessur por la mobilité Florian Mussner che stlarësc ince i vantaji de chësta operaziun: mesi plü efiziënc, smendrimënt di cosć de manutenziun y dl incuinamënt.
-
Dala Junta: plü lerch y revalorisaziun dl Museum Natöra
Renforzé le rode dl Museum Natöra sciöche zënter de inrescida y formaziun y mëte a desposiziun d’atres lercs sot tera ite por pité locai d’esposiziun nüs: chësc é le fin dla deliberaziun aprovada incö (11 d’agost) dala junta provinziala sön proposta dl assessur Florian Mussner.
-
Dala Junta: velozité, plü controi sön les strades da munt
Por smendrí le numer d’inzidënc sön les strades di jus da munt él la Junta provinziala che á aprové incö, mertesc ai 11 d’agost, l’introduziun de sistems de monitoraje dla velozité mesana cun sanziuns por chi che vá cun na velozité plü alta co chëra conzedüda.
-
Dala Junta: Aprovaziun dl bilanz supletif
La Junta provinziala á aprové le bilanz supletif de 110 miliuns de euro che taca adöm cun la lege finanziara. Al é preodü n adatamënt de n valgügn articui che reverda la lege sön le personal, cina la fin dl mëis de setëmber él preodü la discusciun tl Consëi provinzial.
-
Assistënza di mituns: l’assessuria Deeg incunta le Consëi di Comuns
Tl Consëi di Comuns á l’assessuria por les families Waltraud Deeg presenté l’edema da denant les diretives por l’orientamënt nü dl’assistënza di mituns te Südtirol. L’assessuria, che é gnüda acompagnada da öna dles ideadësses dl conzet Gertraud Battisti, á sotligné che „i Comuns é n partner important, n barat de idees é porchël fondamental“.