Atualità
-
EUROSNOW 2006 – Snow festival by minorities for minorities
Dai 19 ai 22 de merz mët l’Intendënza Ladina inò a jì n festival dla rujenedes de mendranza – chëst iede tla verscion da d’inviern. I sculeies y la sculees de scoles mesanes de mendranzes de diesc raions dl’Europa se ancunterà tla valedes ladines. L prugram vëij danora uni sort de garejedes cun y zënza schi y na ciacia al tesor tl Museum ladin.
-
Zitadins d’Europa: Mi Europa
Cun na manifestazion sun plaza a Urtijëi ie finà via l proiet “Zitadins d’Europa: Mi Europa” dl Istitut Tecnich cumerziel de Urtijëi. I studënc ti à prejentà al publich i lëures che i à fat te tlas.
-
Dé dl lingaz dla uma
Sön la tera vëgnel baié danter 6000 y 7000 lingac desvalis; avisa tanc é ince i lingac dla uma. I assessurs y les assessuries por la scora y cultura te Südtirol inviëia porchël, en gaujiun dl Dé internazional dl lingaz dla uma, a odëi te chësta gran varieté na richëza.
-
La Comisciun tecnica dij de scê ai proiec a Urtijëi y a San Martin de Tor
Le proiet esecutif dla sënta scolastica nöia por l’Istitut tecnich por le comerz y dla scora profescionala por l’artejanat artistich da Urtijëi é gnü aprovè en lönesc, ai 6 de forà 2006 dala Comisciun tecnica provinziala. Implü à la Comisciun ince dè so bëgnstè por la cumpra de locai por i ofizi dl Istitut Ladin Micurà de Rü a San Martin de Tor.
-
Les materies scrites por l’ejam de maturité 2006
Les materies dla secunda proa scrita por l’ejam de maturité tles scores ladines é sëgn danman. Te na sentada a Roma ai 25 de jenà 2006 él gnü fat fora ci materies ch’al ti tocarà portè al ejam ai scolars y ales scolares dles scores altes ladines.
-
Dé dla memoria: por dì de “NO” al’intoleranza raziala y ala violënza
Ince tles scores de Südtirol gnaràl recordè ai 27 de jenà cun le Dé dla memoria les vitimes dl nazism y dl fascism. L’assessuria y i assessurs ala scora de Südtirol Luisa Gnecchi, Otto Saurer y Florian Mussner ô ince se dè da fà por promöi na scora olache jogn y jones respeta i dërc dla porsona y va cuntra vigni forma de estremism.
-
Sustenimënt dla cultura ladina: plann anuel apurvà dala Jonta provinziela
(USP) L di dla cultura ladina, l forum culturel, na cunlaurazion strënta cun i Grijons y nia per ultim finanziamënc de sustëni per artisc y assoziazions cultureles: chisc ie i ponc zentrei dl plann anuel 2006 tl ciamp dl sustëni dla cultura ladina y dl’atività educativa, che ie sën unì apurvà dala Jonta provinziela sun dumanda dl Assessëur Florian Mussner.
-
La Comisciun tecnica dij de scê al proiet te Gherdëna
I laûrs de proteziun zivila te Gherdëna é gnüs aprovà tla sentada da inier, lönesc ai 16 de jenà dala Comisciun tecnica provinziala.
-
Iscriziuns ales scolines dai 16 ai 21 de jenà 2006
Les iscriziuns ales scolines ladines por l’ann 2006/07 gnarà fates tl’edema dai 16 ai 21 de jenà. Tla scolina de vigni paîsc gnaràl tachè fora y comuniché les dates y i orars plü avisa. Al podarà gnì scrit ite i mituns y les mitans che compliarà i 3 agn cina ai 31 de dezëmber 2006. I nasciüs de jenà dl 2004 podarà gnì scric; ite sce al sarà lerch assà.
-
Consëi de Direziun dles scolines ladines nominé danü
En lönesc à la Junta provinziala nominé danü le Consëi de Direziun dles scolines ladines. N valgügn comëmbri é restà anfat, d’atri é gnüs nominà danü. La surastanta dl Consëi de Direziun dles scolines è la direturia Edith Ploner.