Atualità
Graduatories per nsenianc nchin ai 31 de merz
USP – Chi che ulëssa tl ann che vën jì a nsenië tla scola prufesciunela o te na scola de mujiga, possa nchin ala fin dl mëns se lascé mëter sun la graduatories. Chësc reverda nce la grupa de rujeneda ladina. L formular aldò ie publicà sun la plates provinzieles tl internet.
La data per se lascé mëter sun la graduatoria reveda duc i nteressei a deventé nseniant cun titul de studi, nseniant de prufescion o de mujiga, pedagogh soziel o culaburadëur per la ntegrazion de sculeies cun handicap ntan l ann de scola 2009/10. Chësc reverda nce la scoles prufesciuneles y la scoles de mujiga tla valedes ladines. La dumanda muessa unida data ju nchin ai 31 de merz (dala 12.00), tl Ufize provinziel per tò su personal, streda Ritten 13 a Bulsan. L formular aldò y duta la nfurmazions sun chël che l vën damandà, ie da giapé sun la plates internet www.provinz.bz.it/personal y cherdan su l numer 0471 412244.
Per sëurandé la stieres tl proscimo ann de scola, vëniel fat al savëi che l ne unirà nia mandà ora lëtres. La dates per la singula materies unirà publichedes tl internet y sun la tofles de nfurmazion dla scoles, nchin ai 20 de lugio.
as
