Atualità
Sasc sun la streda de Gherdëina a Puntives
USP – Ntan la prima ëures de ncuei lunesc (30 merz) ie sun la streda de Gherdëina danter Runcadic y Puntives unì ju sasc. Per garantì la segurëza à la streda messù unì sareda nchin da duman. I respunsabli dla Provinzia à danmesdì inò pudù giaurì l stradon de Gherdëina.
Puech dedora da Runcadic, al autëza dla pumpa dal penzin, ie do mesanuet tumei ju sasc sun la streda de Gherdëina. L majer de feter un meter cubich. Bele dala set da duman ie l respunsabl dla stredes de raion Valter Molon y l geologh dla Provinzia Thomas Senoner stai sun l post per valuté l pericul che unissa mo ju sasc. Do che l material, tumà ju da plu metri de autëza, ie unì rumà demez, iel ntëur la 8 daduman inò unì giaurì l stradon. I sasc fova de nuet unic ju per la truepa plueia y nëif dl fin dl ena. Me puec metri dedite da la luegia ulache l ie unì ju i sasc ntan l’ultima nuet, fovel d’autonn unì fat prutezions nueves sun l crëp sëura streda.
as
