Atualità
Merdi y juebia domesdì te feter duta la scoles ladines – sada liedia
USP – Cun l ann de scola nuef, che scumëncia n mierculdi 5 de setëmber, vel i orars de scola nueves. Te duta la scoles di luesc ladins sarà per l prim iede dlonch la sada liedia. Tl’elementeres, mesanes y autes ladines vëniel dlonch tenì l merdi y la juebia domesdì scola. Sëula ezezion fej la scoles mesanes de Al Plan y de San Martin.
Aldò dla dezijion dla Jonta provinziela de scurté l'ena de scola a cin dis, à duc i cunsëies de scola mpartì da nuef i orars y a chësta maniera canche l vën tenì domesdì scola. L ann de scola scumëncia chëst ann plu abenëura y nsci saral chësta sada, ai 8 de setëmber, l prim iede che nce duta la scoles di luesc ladins resta stlutes.
La lezions che ne vën nia plu tenides de sada à messù unì mpartides sun i autri dis dl'ena. De merdi y juebia vëniel te duta la scoles elementeres, mesanes y autes di luesc ladins nce tenì domesdì scola. A Al Plan y a San Martin uniral do vedla tradizion pità na marënda ciauda te scola ai sculeies dla mesana y nsci va tlo la lezions uni di nchin do marënda. Dla scoles autes iel me l Lizeum d'Ert a Urtijëi che fej ezezion. Danter lezions teoriches y pratiches fej chësta scola l plu ëures de duta la provinzia. Nsci iel tlo bele da ot ani cater y cin iedesc domesdì scola.
La nuvità dla sada liedia porta dantaprima vantajes de urganisazion. A chësta maniera ie uni di duc i nsenianc te scola. "Nsci possa l nseniamënt unì adatà miec ai ai bujëns di sculeies" spiega l ispetëura Rosmarie Crazzolara. La sada liedia dala scolina nchin ala scoles autes cumporta nce che la families cun de plu sculeies possa se mpartì plu saurì l fin dl'ena. Ma la nuvità de chëst ann cumporta nce che i cin dis de scola devënta plu pesoc, "y chësc messerà nce unì tenì cont tla programazion dl nseniamënt" spiega l ispetëura ala scoles ladines.
---
D'autri comunicac stampa sun chësc argumënt
23.01.2012 - Jonta provinziela da pro l'ena a 5 dis per duta la scoles
30.03.2012 - Duta la scoles autes ladines per l'ena a 5 dis
Orars nueves tla scoles di luesc ladins
SCOLES ELEMENTERES | mët man | fina | domesdis | mët man | fina |
Direzion raionela Al Plan | 07:50 | 12:35 | merdi, juebia | 13:20 | 15:20 |
Direzion raionela Badia | 08:00 | 12:50 | merdi, juebia | 13:35 | 15:35 |
Sëlva | 07:50 | 12:35 | merdi, juebia | 14:15 | 16:15 |
Santa Crestina | 07:55 | 12:40 | merdi, juebia | 14:00 | 16:00 |
Urtijëi | 07:50 | 12:40 | merdi, juebia | 14:10 | 16:10 |
Runcadic | 07:45 | 12:30 | merdi, juebia | 14:00 | 16:00 |
|
|
|
|
|
|
SCOLES MESANES |
|
|
|
|
|
Al PLan | 07:50 | 14:10 | / |
|
|
San Martin | 07:45 | 14:10 | / |
|
|
La Ila | 07:45 | 12:55 | merdi, juebia | 13:10 | 15:50 |
Sëlva | 07:52 | 12:55 | merdi, juebia | 14:30 | 16:54 |
Urtijëi | 07:45 | 12:50 | merdi, juebia | 14:35 | 17:05 |
|
|
|
|
|
|
SCOLES AUTES |
|
|
|
|
|
La Ila | 07:50 | 12:51 | merdi, juebia | 13:15 | 15:48 |
Raetia Urtijëi | 07:45 | 12:50 | merdi, juebia | 14:35 | 17:05 |
Cademia Urtijëi | 07:55 | 12:20 | uni di* | 13:45 | 17:15 |
* aldò dla tlasses
as
