Atualità
Sustëni dl’espurtazion cun cunsulënc
USP – Davia che l marcià da tlo ne ie nia plu bon de tò jù duc i prudoc y servijes dl Südtirol, se mpënia la Jonta provinziela de sustenì l export. Tla senteda da (NCUEI) ai 03 de dezëmber iel unì dat pro de judé a finanzië cunsulënc che dëssa fé da persona de referimënt ti paejes de export.
![](/news/img/lazy.gif)
La Jonta provinziela uel finanzië cunsulënc ti paejes ulache se gëura marcieies nueves per la mprejes dl Südtirol. Iló dëssa chësta persones de referimënt pité ntroduzions, judé cun i papieresc y sustenì la firmes da tlo sun fieres y per azions de retlam. La Provinzia possa sëurantò nchin al 50% de tei custimënc per n cuntribut mascim de 20.000 euro. "Te marcieies plu da lonc iel suvënz nce de bujën de adaté i prudoc ala situazion dl post" à dit l presidënt dla Provinzia.
Chësc ie me un n pruvedimënt udù danora tl pachetl tlamà "Exportaktion" che l assessëur Widmann à prejentà te Jonta provinziela. I pruvedimënc speziei ie unic prugramei a na maniera da sustenì l export nchin ala fin dl 2014. Pert dla delibra data pro te Jonta ie nce l sustëni ala tueda de marcià y scumenciadives per ruvé pra marcieies nueves.
Da nuef iel nce l sustëni per seguré i credic de export, che la Jonta provinziela uel sëurantò. "Tla lege finanziera ons udù dant n fond per l'export de cin milion de euro che possa fé da garanzia per n valor de prudot de feter mesa miliarda de euro" à dit Durnwalder. Chësc sustëni possa te tëmp de trëi ani ruvé nchin a na sëida de 200.000 euro per azienda.
as