Atualità
I lëures de asfaltazion te Plan scumëncia ai trëi de juni
„L Servisc Stredes provinziel meterà man al scumenciamënt de chëst’ena che vën, n merdi ai trëi de juni, cun i lëures de restruturazion dla curidura dla streda de Gherdëina tl raion de Sëlva-Plan de Gralba“, nsci l Assessëur cumpetënt per l Servisc Stredes Florian Mussner.
Tl cheder de chisc lëures unirà la curidura d'asfalt, che se à ti ultimi doi invierns ruinà dassënn, cumededa sun na trassa de ntëur 1,5 km. I lëures scumëncia dlongia l cantier per la cumedura dla streda y fina tl raion de Plan de Gralba. I vën dejëuc dala firma Vendruscolo sota la regia dl Servisc Stredes Salten-Scilier.
Do che i lëures per l ressanamënt y la restruturazion dla streda sarà finei, se presenterà la streda te chësc raion inò te cundizions sciche toca.
Do che l program dla mesures dl Servisc Stredes ie unit apurvà dala Jonta provinziela ai 20 de mei ie la mesures unides limitedes l plu puscibl, tlarësc Florian Mussner. Tl tëmp de mé 14 dis iel unit laurà y scrit ora ora l proiet y i lëures ie unic sëurandac ala mpreja nciarieda.
Sun la streda de Gherdëina vëniel oradechël nce asfaltà la trata de streda Tluses-Laion y na trata tl raion de Santa Crestina. Per chisc lëures se nuzen di mesuns ora dl program de mesures de prëscia.
USP
