Atualità
#prömtëmp: L’assessur Mussner ai 27 de jügn söl Ritten
L’assessur Florian Mussner presentará ai 27 de jügn söl Ritten le bilanz de mesa legislatöra por ci che reverda les ativités de so Departimënt.
Le mantignimënt y le svilup dla scora y cultura ladina, la documentaziun y la sconanza dl'arpejiun culturala dl Südtirol tres i museums y i bëgns culturai, na rëi stradala sigüda y saurida da anuzé y la mobilité sostenibla, dantadöt por ci che reverda l’ampliamënt dl setur dla mobilité publica – chëstes é les tematiches zentrales che vëgn manajades dal Departimënt Istruziun y Cultura Ladina, Bëgns culturai y Museums, Rëi stradala y Mobilité. Na suraodüda sön les ativités prinzipales portades a fin y sön les tematiches futures di proscims dui agn y mez de legislatöra sará tl zënter de na conferënza stampa cun l’assessur Florian Mussner
en lönesc, ai 27 de jügn dl 2016
dales 10:15
tla fujina dles ferates söl Ritten,
a Oberbozen.
Ala staziun a val dla furnadoia dl Ritten pó i rapresentanc di media damané do chertes de viaje debann por l’iade da jí y l’iade da gní ala conferënza stampa.
rc
