Atualità
-
Ciamps che depënd dal pruporz y dala detlarazion de grupa de rujeneda
I resultac dla detlarazion de grupa de rujeneda, che vën damandeda n ucajion dla Cumpededa dla jënt, cumporta l pruporz. Aldò dl pruporz vëniel spartì su la ressorses danter la trëi grupes de rujeneda tl Südtirol. I ciamps prinzipei ie la stieres publiches, i aiuc per l cuatier y l finanziamënt per l’istruzion y cultura.
-
Dala senteda dla Jonta provinziela dl 24 de utober
USP – Per la pruposta de lege finanziera à la Jonta provinziela (NCUEI) ai 24 de utober adurvà belau dut l tëmp de senteda. Tlo iel udù dant nuviteies mpurtantes per l ann che vën. Sëurapò se à i assessëures dat ju cun l studi per maestres, la giaurida de butëighes de dumënia y i mulins dal vënt sun l Prëner.
-
Jonta provinziela dà prò la pruposta de lege finanziera
USP – De plu nuviteies cumporta la pruposta de lege finanziera data pro dala Jonta provinziela (NCUEI) ai 24 de utober. I ponc prinzipei reverda la regulamentazion per la njonta IRPEF y IRAP, l finanziamënt per i chemuns y la revijions per camions.
-
Jonta dà pro 19 mulins dal vënt sul Prëner
USP – Sun l Prëner puderal unì fat 19 mulins dal vënt cun na produzion de 100 milion de Kilowatt/ëura. Cumpromis danter la doi sozieteies che ova fat dumanda. Deberieda cun duc i mplanc fotovoltaics che ie bele tl Südtirol saral nsci mesun curì feter l 10% de dut l strom che vën adurvà tla provinzia de Bulsan.
-
Jonta: lauré inant per la ntegrazion
USP – Tla nuet da vënderdi a sada à l Cunsëi provinziel dat pro la lege sun l’imigrazion de fulestieres. N lunesc ai 24 de utober (NCUEI) ie la Jonta provinziela stata a una che l muessa riesc unì fat pruvedimënc cuncrec per nfurmé sun la ntegrazion.
-
Adatamënc di spediei de Sanciana y Persenon
USP – Tl spedel de Sanciana/Innichen y te chël de Persenon vëniel fat nvestimënc de adatamënc. Chësc à fat ora la Jonta provinziela de Bulsan (NCUEI) ai 24 de utober.
-
Jonta lascia prò ezezion per studië da maestra
USP – I truep jëuni che ne ie chëst ann nia stai boni de fé l ejam de amiscion per la facultà de scienzes dla furmazion a Persenon, puderà mpomo jì ala lezion sciche ghesc’ y pona fé do n auter ann l ejam de amiscion. Chësc à cunedì l presidënt dla Provinzia Durnwalder (NCUEI) ai 24 de utober do la senteda dla Jonta provinziela.
-
Butëighes stlutes de dumënia: Jonta uel orars avisa
USP – La Jonta provinziela ie de chëla che la butëighes dëssa de dumënia resté stlutes. Da chësta posizion de basa dëssel, a una cun i partner soziei, mo unì fat ezezions.
-
Dat pro la lege sun l’imigrazion
USP – “Na lege balanzeda y valiveda ora”: nsci valutea l assessëur provinziel Roberto Bizzo la lege sun la ntegrazion de zitadins fulestieres data pro te Cunsëi provinziel. Aldò dl assessëur provinziel iel la imigrazion n fenomenn che n muessa aministré acioche l devënta na ucajion y nia me n problem. De chësc viers iel cun la lege nueva unì fat n var mpurtant.
-
Gran batadù tl Museum Ladin Ciastel de Tor ai 30 d’otober
USP – Le Museum Ladin stlüj jö la sajun da d’isté cun n gran batadù che gnarà metü a jì en domënia, ai 30 d’otober deborida cun l’Uniun di Stödafüch da San Martin de Tor. Les iscriziuns vëgn tutes sö bele danfora.