Atualità
-
Deberieda per valorisé l zënter de S.Cristina
USP – 41 pruvedimënc per miuré l cumerz tl zënter, miuré l atratività dl luech y la cualità de vita. Chisc ie i resultac dl studi per valorisé S.Cristina che ie (ncuei) ai 16 de nuvëmber unic prejentei a Bulsan dal assessëur Thomas Widmann, l diretëur dla repartizion cumerz Hansi Felder y l ambolt Eugen Hofer. I pruvedimënc ie resultac de na gran culaburazion danter Provinzia, Union per l cumerz HDS, Chemun, la unions cumerzieles y sozieles dl luech.
-
Facebook, Twitter, YouTube: Provinzia sun i mesuns nueves de comunicazion
Nia me i canai de comunicazion tradiziunei pieta nfurmazion sun l’atività dla Provinzia y dla Jonta provinziela. Tl majer social network, sun Facebook, ie na plata provinziela, la nutizies plu mpurtantes ie n curt sun Twitter y sun YouTube iel i video di avenimënc de majer nteres. Dut chësc te trëi rujenedes.
-
Analisà la cumpetënza de rujenedes tla scoles ladines
USP – Tla scoles mesanes ladines iel unì analisà la cumpetënza dla rujenedes a na maniera da pudëi urienté l nseniamënt. I resultac dl lëur scientifich fat n culaburazion cun esperc universiteres ie unic prejentei (ncuei) 12 nuvëmber tl università a Persenon. Paredlan la medema analisa che fova unì fata per la scoles elementeres iel unit ora che tla rujeneda ladina possen ngrandì la varietà, mantenì l bon livel dla rujeneda tudëscia y de miuré l lessich n cont de verbs taliani. Sculeies ladins scrij tl tudësch pensieres plu lonci permez a sculeies tudësc de Tluses.
-
Solidarietà de Mussner per la colega Templari
USP - Plëina solidarietà per l assessëura de Belun Daniela Templari vën dal assessëur Florian Mussner. Per via de na cuestion giudiziera de si mut, se à Templari trat de reviers da si ncëria da assessëura ala cultura, mendranzes etniches y valivanza di dërc per la provinzia de Belun.
-
16 nuvëmber: pruvedimënc per valorisé S.Cristina
USP – N merdi ai 16 de nuvëmber vëniel prejentà i resultac dl studi sun la valorisazion dl zënter de S.Cristina. L assessëur provinziel Thomas Widmann nvieia danmesdi a na cunferënza stampa a Bulsan y da sëira an na reunion di zitadins a S.Cristina.
-
Jonta provinziela da pro la reforma tlinica
USP – “La reforma tlinica cumporta na ucajion da nia se lascé mucé” chësta paroles à l assessëur Richard Theiner abù per l dé pro dal reforma tlinica da pert dla Jonta provinziela. Permez ala pruposta prejenteda dan n mëns ne iel nia plu stat de gran mudazions, duc i set spedei unirà mantenì tl daunì.
-
Jonta provinziela per ciajees d’inviern
USP – Tla ciajes puderal nce d’inviern unì dat ora da maië y da bever: chësc à la Jonta provinziela fat ora te si senteda da ncuei (8 nuvëmber).
-
Jonta provinziela: liec turistics tla val de Ahrn
USP – L’espanscion turistica tla val de Ahrn ie ncuei (8 nuvëmber) unida trateda dala Jonta provinziela. L puderà unì anjenià 600 liec turistiches nueves.
-
Jonta provinziela: maiuranza tla sozietà dl’autostreda
USP – La Jonta provinziela à ncuei (8 nuvëmber) dat pro de cumpré do 0,86% dl azions dla sozietà dl’autostreda dl Prëner. Cun chësta azions sëuraprò arjonj la Region Trentino-Südtirol la maiuranza dl’azions.
-
Jonta provinziela a una per l zënter dal sport a Leifers
USP – La Jonta provinziela à azeta l’acurdanza cun l Chemun de Leifers per l zënter ulache l FC Südtirol possa jughé si partides. Chësta acurdanza vel per un n ann, a cundizion che te chësc tëmp vëniel scumencià a frabiché.