Atualità
Campania cun Manfred Mölgg
USP – La campania nueva de promozion de prudoc cun la merca de cualità Südtirol ie nce unida fata per ladin. Cun l moto “Cualité davagna” fej l campion de schi Manfred Mölgg promozion per ladin.
L moto la campania se adateda aldò dl assessëur Thomas Widmann sibe tl sport che tla produzion: “Cualità davagna tres”. Sibe truep training che l’alimentazion de cualità porta a n bon livel, dal’autra pert, nsci Widmann arjonj i prudoc n bon livel nce tres cuntroi. “Son cuntënt che atlec de suzes sciche i fredesc Mölgg, Denise Karbon y Armin Zöggeler sustën la scumenciadiva per la merca de cualità” nsci Widmann. La campania mostra i sportives tla zaites, sun placac ti raions da jì cun i schi ntan che i compra ite prudoc da maië de cualità. Tl medem tëmp iesi nce da audì ti raidi dl Südtirol. Manfred Mölgg che à venciù la copa dl mond de slalom à nce fat pea per la verscion ladina. “Cumpran prudoc de cualità da tlo dajons plu forza ai cërtli economics da tlo y i prudutëures de nosc raions” dij l assessëur Hans Berger. Cumpran prudoc dl Südtirol ne vën nce nia sustenì de gran viages de trasport. “Speri che cun l aiut de sportives de inuem pudons dé inant ai cunsumadëures l message de cumpré prudoc dala merca de cualità” dij Hansi Felder, diretëur dla repartizion provinziela cumpetënta.
as
