Atualità
Aministrazion nueva tl Istitut per furmazion musichela
USP – L Istitut per furmazion musichela de rujeneda tudëscia y ladina, à da chëst ena n’aministrazion nueva de nuef persones. Te si senteda de n lunesc (23. merz) à la Jonta provinziela numinà da nuef i trëi revisores di conc.
Aldò dla dezijion dla Jonta provinziela sarà per i proscimi cin ani Walter Stifter presidënt, sustenì dai duzënc de mujiga Franz Comploj y Barbara Fuchs. Tl Cunsëi de Aministrazion reprejentea Josef (Pepi) Fauster la mujighes y l’ambolta Waltraud Kofler l Cunsorz di chemuns. Nueves ie Erich Deltodesco per la lia di ciantarins (Sängerbund) y Monika Rottensteiner per la mujiga populera. Tl’aministrazion iel nce i diretëures dla scoles de mujiga reprejentei da Chirstian Graf y dala diretëura dl istitut Irene Vieider. Nia plu te cunsëi ne ie Alfons Gruber y Josef Lanz.
La Jonta provinziela à sun pruposta dl’assessëura ala cultura Sabina Kasslatter Mur numinà i revisores, cun si presidënta da dant Ledi Turra Rebuzzi, Helen Ellecosta; da nuef ie Cecilia Miribung.
as
