Atualità
Scola ladina: stieres de rodul
USP - L’ena passeda iel tla Ntendënza ladina unì a se l dé la vela dla stieres per nsenianc. De ndut iel danter scoles elementeres, mesanes y scoles autes de Gherdëina y dla Val Badia unì partì ora 4 stieres a tëmp ndeterminà.
Ai 7 de agost, di dla vela dla stieres, ti iel unì dat 2 stieres a tëmp ndeterminà tla scola auta: una per talian y l’autra per fotografia y grafica. L ann passà ti iel nce unì dat doi stieres a tëmp ndeterminà a nsenianc dla scola mesana y auta. “La stieres a tëmp determinà vën diretamënter partides ora dala scola “ nsci Paul Tasser dla Ntendënza ladina.
Tla scoles elementeres iel unì dat via 2 stieres a tëmp ndeterminà per nsenianc de tlas. Sëuraprò, nsci spiega Carla Pedevilla, iel mo da garat 16 stieres a tëmp determinà per nseninac de tlas y una na stiera a tëmp determinà per l nseniamënt de religion. Dl 2008 à cater nsenianc giapà na stiera de rodul tla scola elementera y sëuraprò ti iel unì dat 5 stieres a tëmp determinà.
SAN
