Atualità
Referendum provinziei: jic a lité nchin la 11 danmesdì
USP - 8,8 percënt dla 390.398 persones cherdedes a lité i referendum provinziei ie ncuei dumënia, 25 de utober jites a lité nchin la 11 danmesdì l referendum per l frabiché cuatieres. L referendum per regulamenté da nuef i segondi cuatieres à nchin la 11 lità 8,8 percënt, la pruposta dla di gran proiec à lità 8,8, chëla dla democrazia direta 8,8 percënt y 8,9 percënt ie jic al referendum per via dl aeroport.
De ndut iel cin prupostes de lege che ti vën fates ala populazion. L prim referendum, zedula blancia, damanda co che fulestieres dëssa ruvé permez a cuntribuc per frabiché cuatieres y i cuatieres soziei. Tla segonda pruposta de lege, zedula de vela culëur lila, se tratela di segondi cuatieres per patrons che ne à nia la residënza te n luech. Cun la zedula de culëur ghiel, tl terzo referendum, dëssa la jënt dì la sia n cont de referendum pra i gran proiec publics. Tl cuarto referendum, zedula bruma se tratela dla democrazia direta nstëssa. Cun l cuinto referendum, zedula culëur marila (albicocca), vëniel damandà sce la Provinzia dëssa zapé ora dl aeroport de Bulsan.
La zifres plu avisa n cont dl referendum provinziel te duc i 116 chemuns ie da abiné tl internet sun la plat www.wahlen.provinz.bz.it ulache l ie nce unì fat la verscion tla rujeneda ladina.
as
