Atualità
Sirena nueva per la prutezion zevila
USP – La Jonta provinziela à dat pro de adaté l signal de alarm per caji de prutezion zevila al standard nternaziunel. La sirena sunerà perchël me plu un n iede per n menut, mpede trëi iedesc ndolauter.
La dezijion che la Jonta provinziela à tëut (NCUEI) ai 03 de utober se stiza sun na nrescida che mostra su che la jënt ne fajova nia defrënza danter la sirene per caji de prutezion zevila permez a meldefuech.
L nuef sonn sëul dla sirena uel di che la populazion dëssa mpië l radio, televijion y cialé tl internet ulache l unirà dat nfurmazions plu avisa.
L signal nuef dla prutezion dura n menut, per meldefuech sona la sirena trëi iedesc 15 secunc. De sada da mesdì son la sirena me un n iede per 15 secunc.
N mierculdi ai 12 de utober uniral te dut Südtirol fat na prova de prutezion zevila.
as
