Atualità
Alarm de prova dla prutezion zevila ai 12 de utober
USP - N mierculdi ai 12 de utober uniral te dut l raion provinziel fat na prova dl’alarm dla prutezion zevila. Do la diesc danmesdì sunerà 400 sirenes te duta la provinzia.
“l 12 de utober ie l di nternaziunel dla prevenzion da catastrofes. Nscì se al purtà pro de fé propi chësc di la prova dl’alarm” spiega Hansperter Staffler, diretëur dla repartizion per la prutezion zevila. Cun l alarm de prova ne uniral nia me cuntrolà la tecnica, ma nce la fazion dl signal danter la populazion y sce la sirena ie bën da audì te dut l raion.
Tl Südtirol iel passa 400 sirenes te nuef raions di destudafuech. N mierculdi do la 10 danmesdì saral da audì l alarm de prutezion zevila che sunerà n menut cun n ton che va su y jù. Chësc signal fej al savëi n pericul particuler y nfurmea la populazion de sté dedite y de scuté su la nfurmazion de cumpurtamënt tl radio.
as
